Paq’ij kamik xkoj ri k’ak’ k’olib’al rech tzuqub’al kech ri’ pa le Dirección General rech ri Wokajil Ajchajil Tinamit (PNC) xuquje’ pa le Unidad Aérea rech ri Ministerio rech Gobernación (Unagob), zona 1 xuquje’ 13 ri’ rech ri uk’u’x nimatinamit rech Iximulew. Eri b’anikil ri’ are rech tob’anik che ri b’anoj chakunem rech ri Ub’eyal B’anoj ri Transformación Policial ri’ che ri taqom ub’anik rumal ri K’amal B’e Iximulew pa le reqele’n ri Taqawokajnem rech ri Ya’olchajinik pa Amaq’.
Eri k’olib’al tzuqub’al kech ri ajchajin tinamit are unimam uwach juntir taqom ub’anik pa saqilal pa taq ri tinamital ri k’o kajno’j chakunelab’ ri e ajb’anol rech ri wa rikil tzuqub’al ri’rech kajach chi ke ri e ajchajil tinamit maj katojom taj. Are ri’ kaya’ pa taq ri sedes rech chajin tinamit ruk’ wa’ kakito’ uwi Q1 mil 500 kirajil che jujun ik ri’, rumal kakiloq’ ta chik kiwa, are la’ jun nim tob’anik kab’an che ri kirajil kijastaq pa kachoch ri jujun ajchajil tinamit ri’.
Eri kiwa rech kakitijoj kab’an ri’ kumal e ajno’jchakunel ri’ rech kakib’an ri rajwaxik chi ke rech kakitzuqu ri’ xuquje’ rech kakib’an b’a’ utz che ri chajinem winaqil kumal. Xuquje’ eri ub’anik ri jujun taq kilaq kiwa ri’ are rech k’o ri kakitijo rech utz kiwach kek’oji ri reqa’lenelab’ ri PNC.
Eri q’atb’al tzij rech Gobernación ri’ xkib’ij chewe pa taq le q’in petinaq chomatal chik rech kakojik oxib’ chi comedores ri’ ri kek’oji pa taq ri Comisarías 12, 13 xuquje’ 14 ri’.