Eri Primer Viceministro rech Seguridad, Carlos Franco Urzúa ri’, ruk’ ri Director General rech ri Wokajil Ajchajil Tinamit (PNC), Héctor Hernández ri’, paq’ij 3 rech noviembre xkijaq uwach ri cholchak yakon rachoch ri subrestación policial pa le aldea El Fiscal, Palencia, Iximulew ri’, rech kataqixik ri b’anoj ub’e’al cholchak cholchajinem winaqil e aj iximulew chi’.
Are wa’ xmajtaj ub’antajik rumal are la’ xutaq ub’anik ri K’amal b’e Amaq’ Alejandro Giammattei xuquje’ ri Ministro rech Gobernación, David Napoleón Barrientos ri’, rumal ri’ xmajtaj umajik ri chak yakonem rech ri k’ak’ sede policial chi’, rech are la’ katob’anik che uloq’axik uwach kchak ri e ajchajil tinamit winaqil ri’ xuquje’ rech ya’el uchuq’ab’ ri b’anoj chajinem tzukunik chi’, xhca’ ri Primer Viceministro, Urzúa ri’.
Eri patanel ri’ xub’ij che ri k’ak’ kachoch ajchajil tinamit chi’ are ke’uq’i’o e 28 chi ajchajinelab’, ri kechajin chi ke ri winaqilal che ri keriqitaj pa uq’ab’ tinamit rech Palencia xuquje’ San José del Golfo ri’.
Eri achochib’al nimaja ri’ are kuq’i’o k’i chakuja, jun rech k’ulb’al, nik’aj chik rech warib’al, jun rech wa’ib’al, jun rech b’anob’al wa, jun rech k’aqb’alil xuquje’ jun rech ch’ajamib’al. Are ilom ri’ che kak’is ub’anik pa le nab’e panik’aj junab’ rech ri 2023.