Are chi’ xyat’aj utzijoxik ri chak b’anom rumal ri ministro rech Gobernación, David Napoleón Barrientos, ri viceministros ri’ xuquje’ kumal ri rajtaqanelab’ ri Wokajil Ajchajil Tinamit (PNC), pa le nab’e panik’aj ri junab’ 2022 ri’, eri k’amal b’e Amaq’ Alejandro Giammattei, xuloq’aj uwach ri chak b’anom pale Taqawokaj Ya’olchajinem pa Amaq’, rumal ri’ xeq’atatajik ri molaj b’anol k’ax e kamisanelab’, e k’o uwinaqil narcotráfico xetaq b’i pache’ q’atb’al tzij pa nimatinamit naj ri’ xuquje’ kuk’ nik’aj chik e b’anol k’ax.
Jeri’, xub’ij che kuloq’aj na ri’ kichak e ajchajil tinamit, rumal ri’ kukoj ri’ uk’olib’al yab’al kiwa ri’, kajach uwach ri suk’ub’an ch’ich’, kesuk’ub’ax ri ch’ich’ ri’, “Rumal b’a’ we k’o jun patrulla rech Petén kape pa nimatinamit rech kasukub’axik we jeri’ xa’ kajar juntir ri’, xatne’ k’o kupatanij tane’ pa jujun taq rulewal tinamit ri’ jeri’ kak’ulmataj ruk’ ri ujachik b’i ri kejach’ich’ ri’, rumal ri’ kejach b’i 300 ri’ xuquje’ are la’ rech kataqix ub’anik ruk’ ri ya’olchajinem winaqil”, xcha’ ri k’amal b’e Amaq’.
Eri b’anoj chajinem kumal ri e ajchajil tinamit are la’ ub’anom rech e k’o k’i elaq’omab’ e chapom ri’ ri kakib’an elaq’ chi ke winaq kewa’katik xuquje’ chi ke ri ch’ich’ ri’.
Eri k’amal b’e Amaq’ xub’ij: “Eri q’atb’al tzij xkikoj jun utzalaj chak rech kuya’o uhcuq’ab’ ronojel uwach tzukunik chi rij taq b’anoj k’ax kamisanik, rumal ri’ xeq’atexik e 32 chi molaj b’anol k’ax, e k’o chik 300 e chapom ri’ xuquje’ e k’o kajlajuj e taqom b’i pache’ q’atb’al tzij naj rumal e k’o pa narcotráfico xuquje’ e k’o waqib’ e ajb’anol k’ax ri’, are wa’ ub’anom utzilem chi ke konojel winaqil tinamit”.
Eri riqoj ib’ are xb’antaj pa le Salón Mayor rech ri Ministerio rech Gobernación, chi’ k’ut eri k’amal b’e Amaq’ xuya’o utzijoxik ri chak b’anom pa jujun taq viceministerio panik’aj junab’ chik ri’.