Eri reqa’lenelab’ ri Wokajil Ajchajin Tinamit (PNC) paq’ij kamik k’o k’i taq tzukunem tajin ub’anik rech terenb’em uchapik ri jun achi ub’i’ Luis Mario Morales Heredia, alias “Canche Heredia”, ri xutij xutij kikamisaxik ub’anik k’ax chi ke ri ajchajinelab’ ruk’ jun nim k’aqb’alil ri’, paq’ij lunes 9 rech enero ri’. Eri uterenb’exik ri’ are xtaq uchapik rumal ri k’amal B’e Amaq’il, Alejandro Giammattei, rech majun b’anoj k’ax kab’an tane’ pa rulewal qatinamit.
Eri Ministro rech Gobernación, David Napoleón Barrientos, xub’ij che xaq pa nimaq’ab’ paq’ij martes ri’, k’o jun tzukunem xb’an che kumal xik’ach’ich’ pa kaqiq’ xuquje’ che kaqan ri ajchajneleab’ rech sib’alaj xtzukux ri jun achi ub’i’ Morales Heredia ri’.
xuquje’ xb’an Tzij chi rij pa q’atb’al Tzij ri’ rech ri xutaq uchapik xuquje’ rumal reqam jun nim k’aqb’alil rech xub’an k’ax chi ke ri ajchajnelab’.
Eri Taqawokajnel rech ri Chajinem pa Amaq’ xub’ij che ri wokaj tzukunelab’ rech ri PNC xkib’ij che ri jun a Morales Heredia are k’o uwach kuk’ ri molaj b’anol k’ax che ri kakib’an k’ax pa le norte xuquje’ pa oriente rech qatinamit ri’, are wa’ kutun rib’ chi rij ri b’anoj k’ax tajin xub’an ri’. “Rumal wari’ kaqachap na jun achi ri’ rech maj jun kub’an tane’ k’ax chi ke ri winaqil e aj iximulew ri’ xuquje’ rech kutz’iloj ta kuwach ri q’atb’al Tzij e ajchajinelab’ ri’”, xcha’ ri Ministro Barrientos.
Eri wokaj ajchajinelab’ xkib’ij, eri jun achi ri’ k’o jun nim k’aqb’alil uk’amom b’i pa uq’ab’ xopan pa le racoch ri q’atb’al Tzij rech Chiquimula, chi la’ k’ut xe’uxib’ij wiri’, rech xeroqataj b’i chi la’ ri keb’ rajchajinel ri PNC. Te k’u ri’ jun achi ri’ xaq’anik pa le uch’ich’ man xuq’al ta rib’ che b’iw b’ixik kub’an k’ax chi ke ri ajchajin tinamit ri’.