Eri PNC ruk’ ri MP tajin kakitunu kichuq’ab’ rech kaq’atexik ri molaj b’anol k’ax ruk’ ri narcotráfico ri’

Paq’ij viernes 18 xuquje’ paq’ij 21 rech noviembre eri rajtijonelab’ ri Subdirección General rech Análisis rech  Información Antinarcótica (SGAIA), rech ri Wokajil Ajchajil Tinamit (PNC) xkib’an jun k’uttijonem chi ke rajchak ri Fiscalía rech Delitos rech Narcoactividad rech ri Ministerio Público (MP), pa le Escuela Centroamericana rech Entrenamiento Canino (ECEC), che ri k’o pa Barberena, Santa Rosa ri’.

Pa ronojel ri’, e 32 chi q’atol tzij xek’oji pa le tijonem chi rij uch’ob’ik ri b’anoj taq tijonik chi ke ri tz’i’ reqa’lenel e tzukunel, ri katijoxik ri k’amol kib’e kuk’ ri e ajtijonel chi ke ri’, jeri’ chi rij taq ri chak b’anom rumal ri unidad canina, rech pa utzukuxik ri awan kunb’al, pwaq, k’aqb’al ruk’ taq ch’aweb’al chakub’al rech k’amq’aq’nil.

Pa le b’anoj chak ri’, eri e ajtijonel ri’ xetijon chi rij b’anoj taq puqchajinem tzukunik, ri tewmeq’inal ri utz che ri agente canino ri’ rech naj kuq’i’o pa le chak upatan, rech uch’ob’ik ri q’ij kumajo rech katijoxik ri jun utzalaj tz’i’ ruk’ taq ri tz’i’ che ri kekoj pa taq le tzukunem kumal ajchajil tinamit pa utzukuxik uriqik ri awan kunb’al ruk’ taq awan jastaq ri’.

Xuquje’ eri agentes antinarcóticos xkib’an jun k’utub’anik rech b’anoj puqchajinem kumal ri Binomios K-9, rech ya’el uchuq’ab’ ri ya’olchajinem xuquje’ ri cholchak puqchajienm rech pa kaq’atexik ri molaj b’anol k’ax kuk’ ri narcotráfico ri’.

Eri eta’mab’al xk’am retal uq’ab’il kumal ri q’atol tziij rech ri MP pa le b’anoj tijonem pa le tijob’al ub’i’ Escuela Canina, are la’ kajipix ub’anik uwach rech ya’el uchuq’ab’ b’anoj taq chak rech puqchajinem tzukunik ruk’ taq ri tzukno’jchak xb’antaj ri’.

Noticias Recientes