Eri PNC xuquje’ nik’aj chik wokajilal che ketaji che uq’atexik ri jun k’ax yab’il rech ri COVID – 19 pa we amaq’

 

“Are wa’ rech kaq’atexik ri Coronavirus ri’ k’o k’i b’anoj ya’olchajinem katajin rech kaq’atexik ri winaqil che ri tajin kakaj keq’ax b’i pa taq tinamit ri’ e are k’ut kesolix kumal e ajkunanelab’ rech kilik we utz kuwach ri’ xuquje’ ri xa’ kek’owinik pa qatinamti ri’ rech keb’e pa nimatinamit naj jacha’ pa taq Estados Unidos ri’”, xcha’ ri Edwin Ardiano Lòpez, Sub Director General rech Operaciones rech ri Wokajil Ajchajil Tinamit (PNC) ri’.

Are b’anoj chajinem ri’ tajin kab’an pa komonchak ruk’ ri COVIAL, ri PMT, ri Migraciòn, ri Salud, pa taq rokib’al xuquje’ relib’al b’i pa tinamit ri’, rech kakiq’atij kib’e ri winaqil che ri tajin keb’e pa jun chik tinamit, xuquje’ rech kanimaxik ri xutaq ub’anik rumal ri K’amal b’e Amaq’ rech majun ch’ich’ kawa’kat tane’ xuauje’ rech pa uq’atexik ri jun k’ax yab’il rech ri COVID – 19.

“Sib’alaj kaqaj uj kaqaki’kotirsaj kuwach ri winaq tinamit che ri ketajin che ri taqanemtzij ri’, rumal ri’ kata kuwuj we keqam ri’ xuquje’ rech ke’ilik we qastzij rajawaxik kewa’kat ri’”, xcha’ ri Ardiano.

Eri q’atenik rumal ri PNC are tajin kab’ix chi ke ri winaq tinamit

Pa le ya’el utob’anik ri reqa’lenelab’ ri Sub Direcciòn General rech Q’atel k’ax ri’ (SGPD) rech ri Wokajil Ajchajil Tinamit (PNC), rumal ri’ xukoj pa keb’ e pa oxib’ kilómetros ri keraqataj ri uk’olib’al ya’olchajinik ri’ ruk’ uya’ik pa kaj nik’aj wujtzijol chi ke ri’, jeri’ pa taq ri ch’ich’ rech ya’olchajinem pa le b’anoj pixab’nik chi ke ri e ajb’inisal ch’ich’ ri’, rech man kek’oji pa le cholajisab’al ib’ ri’ we e aj pa tinamit ta ri’ xuquje’ we man k’ot kuwujil rech ya’tal chi ke keq’ax ri’ xuauje’ ri man k’ot kuwujil rech keb’e tane’ pa chak ri’, we man e yab’ tane’ rech keq’ax tane’ we jeri’ kechap b’i ri’ rech ketzalix b’i pa taq katinamit ri’.

Eri winaq ri’ kanimam tzij ri’ e tzalijinaq b’i, rumal ri’ tajin kaq’atexik rech keb’e tane’ pa taq nik’aj chik tinamit, rumal ri wokom no’jchakunem b’anom kumal ri e ajchajinelab’ ri’, ri katajin ri’ kuk’ ri wokajilal rech ya’oltob’anik chi ke ri e Ajchajinelab’ rech Q’atb’altzij rech pa taq tinamit ri’”, xcha’ ri Sub Director rech Operaciones ri’.

Pa k’isb’al, eri Ardiano xub’ij are wa’ juntir ri’ katajin ub’anik pa usaqil chi uwach ri q’atb’altzij, rech ri Ya’talil Winaqilal ri’ xuquje’ rumal ri’ k’o jun nim sik’inik xub’an chi ke ri winaqil tinamit rech chakib’ano b’a’ toq’ob’ chakinimaj b’a’ ri maj b’anoj q’axanik maj b’anoj wa’katem ri’ kumal ri winaqil e b’enaq pa taq le ch’ich’ ri’ pa taq saqarib’al xuquje’ pa taq uqajib’al q’ij ri’ rumal ri PNC ri man kutanab’o ta ri ya’olchajinik ri’.

Alerta de Corrupción

Ultimas noticias