Eri Viceministro rech Q’atel k’ax ri’ rech ri Ministerio rech Gobernación, Carlos García Rubio, xtatb’en pa le nab’e riqb’al ib’ rech chomanem chak rech ri Mesa Técnica rech Uchomaxik Ujachik uwach pa uq’ab’il taq ri Organismo Ejecutivo (METPRODES), rumal ri Secretaria rech Coordinación Ejecutiva rech ri Presidencia (SCEP).
Pa le riqb’al ib’ ri’ are utaqim ya’el ub’ixik ri ub’e’al ri chakunem ruk’ ri Minsiterios e sik’im ri’, ri e k’o pa le Cholchak rech pa Junab’ rech Descentralización, ri kuya’ub’e’al uwach ri ub’anik ujipixik uwach pa taq ri uq’ab’ilal uchakunik ri’.
Rumal ri’ eri Viceministro García Rubio xub’ij ri’ eri Taqawokajnem rech Ya’olchajinik pa Amaq’ pa taq le uq’ab’ilal ri’ k’o ri’ nik’aj jalajoj retalil rech kuq’axe’j uwach uchak patan ri’ xuquje’ eri jun jipin uchak ri’ are kub’an utzil ch ke nik’aj chik taqawokajil ri’ rech kakinimaj uwach ri ub’e’alil ri’.
“Kujk’oji ri’ che uchomaxik wa’ uwatzijonem ri’ rech ri wokajil ajchajinelab’ rech K’utb’e rumal taq Q’atb’altzij ri’ pa le reqa’lenik ri Departamento rech Tránsito rech ri Wokajil Ajchajil Tinamit pa le b’anoj taq chakunik ri’ xuquje’ eri retal rajilab’al taq b’anoj kumal q’atb’altzij rech taq tinamit pa keqale’nib’al ri’ kaq’ax wi kanoq ri chakunem rech k’utb’e, rech ri b’anoj tiijonem chi ke rjachajinel ri’, ri retal taq k’utb’e xuquje’ ri tijob’enik rech k’utb’e ruk’ nik’aj chik uwachtzijonem chomanik rumal ri’, xcha’ ri Rox Viceministro rech Q’atel k’ax ri’.
Eri Taqonatzij kuya’ kchak keqale’n pa kq’ab’ ri taqawokajil rech Tijonem, rech Utwachil, rech Taqachajinem pa Amaq’, rech Tiko’ninem, rech Rajil Pwaqilem, rech Nimab’e, Yakonem xuquje’ Achochib’al, rech No’jk’aslemal B’antajil, rech Rulewal Kajulew Awajil K’ache’laj xuquje’ e are wa’ pa le Instituto rech Fomento Municipal, rech Secretaria rech Planificación xuquje’ Programación rech ri K’amoj ub’e Amaq’ (SEGEPLAN) rech ke’ok pa le Metprodes ri’.
Ruk’ wari’ kamajtaj ri ulik’ik uwach wari’ pa le kq’axex ri uwach taq ri chak loq k’a pa le K’amoj ub’e Amaq’ chi ke taq ri Q’atb’altzij xuquje’ ri komon taq winaqillal ri’, jeri’ chi ke ri komon winaqilal che k’o pa usaqil keriqitaj ri’ rech e are jun b’a’ e k’o pa le jun lik’inem uwach taqachakunem ri’ rech eri e are ri’ kekowin k’ut k’o ri kakichomaj pa taq k’amoj b’e ketajin wi pa taq tinamit, are wa’ ub’ixik ucholaj xya’taj loq rumal ri Secretario Ejecutivo rech SCEP Álvaro Díaz Velásquez ri’.