Eri reqa’lenel ri Banda Marcial rech ri Wokajil Ajchajil Tinamit (PNC) xetatb’enik che utz’ib’axik ub’ixoxik le b’ixonem ub’i Tibuto Musical Internacional, are jun b’anoj kina’tixik konojel ri winaqil che ri xechakun nab’e pa le nab’e mul rech uq’atexik ri jun itzel yab’il rech ri Coronavirus COVID-19 ri’.
Pa le jun b’ixonem ri’ xetatb’enik ri e ajq’ojomanelab’ rech 29 bandas marciales rech ronojel uwachulew, ri xkib’ixoj ri Ópera Aida, eri jun b’ixonem ri’ rech ri tijonel ajq’ojomanel italiano Giuseppe Verdi, pa ub’i’ ri Ixim Nimatinamit ri’ xetatb’enik ri eqa’lenelab’ Benjamín Amado Siliezar pa le uq’ojomsaxik le Nim Su’ xuquje’ a Nelson Yoany Barrera Álvarez pa le uq’ojomsaxik ri Bombo, e are e q’ojomanelab’ rech ri Banda Marcial rech PNC.
We jun utz’ib’axik le b’ixonem ri’ are kaya’ pa utzijolil pa taq le uwachwuj k’amq’aq’nil ri’ rech tzijolil ri’, are wa’ retalil jun umaltyoxinik chi ke ri winaqil che ri xek’oji ronojel taq q’ij pa uq’atexik ri jun itzel yab’il ub’i’ COVID – 19, chi rij jun patanem ri’ xetatb’enik ri e q’ojomanelab’ e ajb’ixonel rech ri bandas marciales rech taq Ajchajil Tinamti rech: Australia, Bahrein, Colombia, Guatemala, Italia, Gales del Sur, Bruneí, República Checa, Irak, Kuwait, Austria, Burkina Faso, Ghana, Israel xuquje’ Lituania, kuk’ nik’aj chik ri’.
Eri Tributo Musical Internacional ri’ are xwok uwach rumal le Jachakunb’al rech Sistema 24/7 ri’ rech Interpol, rumal ri’ Asuntos internacionales rech ri Ministerio rech Relaciones Exteriores rech Emiratos Árabes, e are k’ut xemolin ri ajq’ojomab’ ajb’ixonel ri’ rech taq ri jalajoj taqawokajil rech ri ajchajil tinamit pa uwachulew ri’.
Eri jun Ópera ri’ are xcha’ik rumal k’ut eri Marcha Triunfal are kuq’at retal jun tzalijem pa jun utzalaj ja ri’ aretaq k’o jun kach’ik ri’, jacha’ pa jun nimaq’ij rech tijowchuq’ab’ ri’.
Eri Utatb’enik ri Ixim Nimatinamit pa jun loq’ ilb’anem ri’ are xb’antaj ri’ rumal le uchak xq’atataj ub’anik rumal ri Eqa’lenel Ana Luisa Gálvez, are rajawtzij rech ri f Departamento rech Cultura xuquje’ Deportes (MICUDE) rech ri Subdirección General rech Q’atenik b’anoj k’ax ri’ xuquje’ rumal le K’amal b’e rech ri Banda Marcial, Byron Ernesto Carranza, are xe’ucha’o ri eqa’lenelab’ e q’ojomsanelab’ rumal keb’ixik k’ut xkiq’ansaj ub’i’ we Ixim Nimatinamit chi kuwach e nima’q e ch’uti’n pa uwachulew ri’.