Eri jun chi ke ri patanem xb’antaj rumal ri Ministro rech Gobernación, pa reqele’n ri Quinto Viceministerio ri’, rech kuya’ uchuq’ab’il ri ya’olchajinem rech utzukuxik uq’atexik uq’axik awan jastaq kunb’alil pa we Amaq’ ri’, rumal ri’ keriqitaj ri ajchajil tinamit antinarcótico pa jalajoj taq k’olib’al chajinem k’o pa taq k’ulb’a’til rech pa amaq’ ri’.
Pa uterenb’exik ri tzukunem ya’olchajinik ri’, eri Quinto Viceministro Rodas, achb’ilam rumal ri Subdirector General Henry López, rech ri Subdirección General Análisis rech Información Antinarcótica (SGAIA), xub’an b’enaq pa taq k’ulb’a’ juyub’ chi la’ El Ceibo, pa le noroeste rech Petén, k’o pa k’ulb’a’t ruk’ México xuquje’ pa le k’olib’al fronterizo Melchor de Mencos, pa k’ulb’a’ ruk’ Belice, rech kakojik jun rachoch ri jun delegación antinarcótica chi la’ k’ut.
Eri viceministro Rodas, xuya’ utzijol ri’ che ri delegación antinarcótica ri’ are la’ kuya’ kichuq’ab’ ri puqchajinem solinik pa komonb’al kuk’ nik’aj chik taqawokajilal pa amaq’ ri’, rech pa le solinem kab’an ri’ chi ke ri winaqil xuquje’ ri ch’ich’ ri’ che ri ke’ok’ loq xuquje’ ri ke’alb’i pa El Ceibo xuquje’ Melchor de Mencos ri’.
We kamik, eri SGAIA kariqitaj pa chajinem pa le Aduana Tecún Umán k’o pa k’ulb’a’ ruk’ México xuquje’ ri Aduana Pedro de Alvarado k’o pa k’ulb’a’t ruk’ El Salvador. E pa agosto rech pa junab’ ri’, xkojotaj jun delegación antinarcótica pa Aduana Valle Nuevo, xuquje’ k’o k’ulb’a’t ruk’ El Salvador ri’.
Eri katajin ub’anik ri’ are la’ uwach ri nuk’chomab’alil rech ya’olchajinem rumal ri Taqawokaj pa Amaq’ Iximulew, rech utaqim uq’atexik kuwach nik’aj nuk’wokaj e ajb’anol k’ax kekamisan pa taq amaq’ib’ ri’ rech kakiq’axe’j awan jastaq kunb’alil maj pa usaqil ri’.