Pa jun komonchak xb’antaj kumal ri q’atb’al Tzij rech Iximulew xuquje’ Honduras ri’ xekowon che uchapik jun achi ub’i’ Jairo Gabriel León Caballro, 39 ujunab’, alis “El Flaco”, ri xtaq uchapik rumal ri q’alb’al Tzij rch Estados Unidos rech América rumal ri xub’an k’ayin awan kunab’al rumal ri’ are jun chi kech ri lajuj e chapom e taqom b’i pa junab’ ri’.
Eri jun achi b’anol k’ax ri’ ub’i’ kab’ixik “El Flaco” xuquje’ “Jairo León” ri’ pa 20 rech abril pa le frontera El Florido, Chiquimula, kumal ri Wokajil Ajchajil Tinamit rech Honduras xjach loq pa uq’ab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC). Rech kajach pa uq’ab’ ri Q’atb’al Tzij rech pa tinamit ri’ rech kachomax chi la’ k’ut rech kamaj utaqik pa le q’atoj Tzij chi la’ pa nimatinamit rech Norteamérica.
Taqom loq uchapik pa tinamit naj
Paq’ij rech diciembre rech 2019 ri’, eri a León Caballerosn ri’ are xtaq loq uchapik rumal ri Corte Distrital rech Estados Unidos rech ri Distrito Este de Texas rumal xub’an wa’ b’anoj k’ax ri’:
Nab’e umak: xuchomaj xutaq b’i jo’ob’ pajib’al rech awan kunab’al rech cocaína ri’, pane’ reta’m b’a’ che are la’ jun b’anoj k’ax ri’ xuq’i’o uwach ri taqonatzij rech Estados Unidos (EE.UU.), jun b’anoj k’ax uk’ula’lexik ri Secciones 959(a), 960 xuquje’ 963 rech ri Título 21 rech ri Código rech EE. UU.
Ukab’ umak: Xupiso xuquje’ xutaq b’i pa nimatinamit naj jo’ob’ chi pajib’al rech cocaína ri’, pane’ b’a’ reta’m che are jun nim mak ri’ pane’ reta’m b’a’ che are la’ jun b’anoj k’ax ri’ xuq’i’o uwach ri taqonatzij rech Estados Unidos (EE.UU.), jun b’anoj k’ax uk’ula’lexik ri Secciones 959(a), 960 xuquje’ 963 rech ri Título 21 rech ri Código rech EE. UU.
Ri xub’an ri’
Eri tzukno’jchak xb’an chi rij, xuq’alajisaj che ri jun a Jairo León, are ju uwinaqil jun molaj b’anol k’ax che ri kutaq b’i awan kunab’al rech Sudamérica, Centroamérica xuquje’ Norteamérica ri’.
Pa 2016 ri’ pa junab’ 2019 ri’, eri jun achi b’anol k’ax ri’ xupiso rech xutaq b’i ri awan kunab’al rech cocaína pa tinamit ri’.
Eri komon chajinem tzukunik are la’ xb’an pa ub’antajil ri ub’e’al chajinem xtaq ub’anik kumal ri q’atb’al Tzij rech Centroamérica, México xuquje’ República Dominicana pa le Primera Conferencia Regional rech Ministros xuquje’ Secretarios rech Seguridad ri’, ri xwok rumal ri K’amal B’e Iximulew pa reqele’n ri Ministerio rech Gobernación (Mingob), rech b’anoj nim komon tob’anik ri’, rech yab’al uchuq’ab’ ri q’axeb’al Tzijolinem xuquje’ rech b’anoj kub’sib’al k’u’x chajinem pa le rulewal ri puq nimatinamit ri’.