E k’o b’elejeb’ chi winaqil xechapataj loq kab’ixik e uwinaqil ri jun molaj b’anol k’ax kib’i’ Coronados Locos Salvatrachuas rech ri MS, kumal reqa’lenel ri la Subdirección General rech Investigación Criminal (SGIC), rech ri División rech Investigación Criminal rech ri Wokajil Ajchajil Tinamit, pa 29 chi b’anoj tzukunem ri’ pa komochak kuk’ ri Q’atol tzij rech ri Ministerio Público pa Villa Nueva ri’.
Eri Nery Benito, subdirector rech SGIC, xuya’ pa utzijol kib’i’ ri nik’aj pandilleros, e are wari’: a Julio Samuel Boche González rech 18 ujunab’, a Brayan Alexander Diéguez Ronches, a Marvin Leonel Cristales 34 ujunab’, al Dominga Ramírez Andrés 41 ujunab’, a Cristian Alexander Cabrera 26 ujunab’, a Walter Rondulfo Veliz Marroquín, a Luis Estuardo Arreaga Vila xuquje’ a Isaías Joel Juárez Sanabria 32 ujunab’ xuquje’ iwir xchapataj loq a Roberto Raúl Lucero Pineda ri’.
“Eri nik’aj xechapataj ri’ kab’ixik eri kimak are b’anoj kamisanik xuquje’ choman b’anoj k’ax, chi ke e ajchoq’e ri ch’ich’ e ajk’amel winaq b’i xuquje’ chi ke taq ri k’ayib’al che ri e k’o pa tinamit ri’. E k’o ixoqib’ chi ke nik’aj e b’anol k’ax ri’ rech ketob’anik xuquje’ e ajtaqo’n, rech e ajtoq’il pwaq ri’”, xcha’ ri Benito.
Rech xtaq ub’anik ri tzukunem ya’olchajinik ri’ e k’o 300 chi reqa’lenel ajchajil tinamit xetaq ri’ chi’ k’u ri’ are wa’ xraqatajik: Jun k’aqb’alil jun chi etz’ab’a’l, oxib’ chi ch’a’wib’alil, waqib’ chi radios rech ch’a’winik, waqib’ ub’aq’ k’aqb’alil ri’.
Eri tzukunelab’ rech ajchajil tinamit k’o jun junab’ xkitzukuj uwach wari’, chi’ k’u ri’ xkiterenb’ej ri b’anoj k’ax xkib’an ri jun molaj winaq e b’anol k’ax ri’.