Eri Ministerio rech Gobernación pa reqele’n ri Quinto Viceministerio pa komonchak ub’anik pa amaq’il k’o k’iyalaja taq b’anoj tzukunem xub’an ri’ rech pa uq’atexik ri narcotráfico pa we amaq’, rumal ri’ xb’antaj kowonem ri’ pa le nab’e q’ij rech enero pa le wuqub’ q’ij rech abril rech ri junab’ 2021 are chi’ k’o jun q’atenik xb’antaj ri’.
Eri b’anoj tzukunem kumal ri reqa’lenelab’ ri Subdirección General rech Q’atel Awan kunb’alil (SGAIA) rech ri Wokajil Ajchajil Tinamit (PNC), k’o k’i taq tiko’n rech awan kunb’alil xkowon che uriqik ri’, rumal ri’ xriqitaj 1 millón 512 mil 138 chi raqan tiko’n rech marihuana, k’o 176 mil 142 rech amapola ri’, ,’o 711 mil 024 chi tiko’n rech coca xriqitaj ri’, xuquje’ xriqitaj 643.32 upajb’alil cocaína xriqitajik, are wa’ ri rajil kopan pa Q644 millones chi pwaqil ri’.
K’o nim q’atenik xb’antaj chi ke ri molaj b’anol k’ax rech ri narcotráfico ri’ k’o k’i jastaq xriqitajik, k’o 97 chi ch’ich’ rech keb’inisaxik, k’o kajib’ xik’ch’ich’, jun jukub’ rech b’enam, 136 chi k’aqb’alil, 199 uk’olib’al ub’aq’ k’aqb’alil, rumal 8 mil ub’aq’ k’aqb’alil rech jalajoj ri’ xuquje’ xriqitaj keb’ rachoch b’anob’al awan kunb’alil ri rajil are Q400 millones chi pwaqil ri’.
Xuquje’ xriqitajik chom pwaq rech jalajoj uwach tinamit, chi ke wari’: Pwaqil rech Iximulew, k’o Dóalres, k’o Pesos Mexicanos, k’o Euros xuquje’ Lempiras, pa ronojel ri’ k’o Q3 millones 357 mil 424.40 chi pwaqil pa ronojel ri’.
Pa ronojel ri’ eri awan kunb’alil, ruk’ ri jastaq xuquje’ ri pwaq riqom chik are Q1 mil 060 millones chi pwaq ri’ xuquje’ e k’o 484 chi uwinaqil ri narcotráfico xechap loq xuquje’ e k’o 16 chi winaq xechapik rech xetaq b’i pa q’atb’al tzij rech nik’aj chik tinamit naj ri’.
Eri Quinto Viceministerio rech Gobernación, kuterenb’ej ub’anik wari’ pa komonchak ri’ kuk’ ri wokajil puqchajinelab’ rech kakiterenb’ej kaq’atexik ri nik’aj molaj e ajb’anol k’ax pa we amaq’.
