Tajin ri chakunem rumal ri Ministerio rech Gobernación ub’i’ (Mingob) ri’, pa reqele’n ri Quinto Viceministerio Antinarcóticos ri’, pa nab’e q’ij rech pa le lajuj q’ij rech octubre rech pa junab’ ri’, riqom chik kuk’ ri narcotráfico ri’ Q3550 millones 839 mil 188.02 chi pwaqil rajil awan kunb’al, jastaq xuquje’ riqom ri’.
Eri pwaqil ri’, xuya’ ub’ixik ri Subdirección General rech Análisis rech Información Antinarcótica (SGAIA), rech ri Wokajil Ajchajil Tinamit (PNC) ri’, xkiriq k’ut 1564.67 pajb’alil rech cocaína, 0.40 pajb’alil rech anfetaminas, 2.51 upajb’alil metanfetaminas ri’, 13.07 upajb’alil crack ri’, 1 pajb’al rech efedrina ri’, 398 setkunb’al rech q’ab’arsab’al ri’, 12 b’olb’aq ch’ich’ ri’ xuquje’ 14 b’olb’aq’ ch’ich’ k’olib’al rech uk’u’x b’anob’al awan kunb’al ri’ ronojel wa’ eri rajil are Q 164 millones 217 mil 537.31 chi pwaqil ri’.
Eri q’atb’al tzij xkib’ij che ri xriqitaj ri’ 275 chi ch’ich’ rech keb’inisaxik, jun xik’ach’ich’, 147 chi ka’qb’alil 5105 chi ub’aq’ k’aqb’alil, 139 tolws ri’, 128 chi rax je’l ab’aj ri’, xuquje’ xriqitajik waqib’ nimaja k’olib’al b’anob’al awan kunb’al ri’ ronojel wari’ ruk’ ujastaqil xuquje’ ruk’ 2.54 upajb’al q’anapwaq ri’ eri rajil are Q1211 millones 251 mil 565 chi pwaqil ri’.
Eri reqa’lenelab’ ri SGAIA ri’ kuk’ ri Wokaj Ajchajil Amaq’ rech Iximulew ri’ xkiriq loq 9127 mil 172 ichaj tiko’n rech amapola ri’ eri rajil are Q228 millones 179 mil 300 chi pwaqil ri’; 30 pajb’al rech amapola ri’ eri rajil are Q240 mil chi pwaqil ri’; ruk’ 5087 mil 246 ichaj tiko’n rech marihuana ri’ eri rajil are Q 1907 millones 717 mil 250 chi pwaqil ri’; ruk’ 4 mil 438.69 pajb’al rech cannabis sativa ri’ eri rajil are Q1 millón 664 mil 509 chi pwaqil ri’. Ruk’ 81; 1 mil 021.15 ons pajb’al rech ub’aq’ marihuana ri’ eri rajil are Q 86 mil 797.75 chi pwaqil ri’ xuquje’ xporoxik 2 millones 818 mil 099 chi ichaj tiko’n rech coca eri rajil are Q28 millones 180 mil 990 chi pwaqil ri’.
K’o chom pwaq xriqitajik xuquje’ e k’o xechap chi rij kumal ri Q’atb’al tzij rech antinarcóticas pa taq ri b’anoj tzukunem ri’ xkiriq wi loq Q3 millones 062 mil 461.15; 761 mil 982 dólares ri’; 42 mil 360 pesos mexicanos ri’; 9 mil 390 euros; 4 millones 002 mil pesos colombianos ri’ xuquje’ 866 lempiras ri’ are are kutun rib’ ri’ kopan pa rajilab’al pa Q 9 millones 301 mil 238.15 chi pwaqil ri’.
Pa k’isb’al ub’ixik kumal ri SGAIA ri’ xkib’ij chi rij ri narcotráfico ri’ e chapom chi loq e 1 mil 355 chi winaqil, e 22 chi ke xechapik ri’ are rumal k’o awan kunb’alil xkipiso rech xkitaq b’i pa k’ayij ri’ rumal ri’ xtaq loq kichapik rumal ri Estados Unidos rech Norteamérica ri’.