Pa taq le ya’olchajinem kumal ri PNC e k’o 71 chi winaqil xkichap loq pa we amaq’

Pa taq le keb’ q’ij ri’ eri reqa’lenel ri Wokajil Ajchajil Tinamit (PNC) ketajin che upatanixik ri taqanem xel loq k’a pa Q’atb’altzij rech ri Taqawokajnem Ya’olchajinem pa Amaq’ xuquje’ pa komonchak ruk’ ri Nab’e Viceministerio rech Ya’olchajinem rech ri Ministerio rech Gobernación xekowin k’ut che kichapik e 71 chi winaqil rumal jalajoj kimak xib’an ri’.

Chi ke taq ri xechap loq are jun achi ub’i’ Edgar Giovanni Reyes Mejía 26 ujunab’ ri’ kab’ixik are xchap loq pa le calle principal rech pa tinamit rech Poptún, Petén pa jun k’olib’al tzukunem ya’olchajinik xkoj chi la’.

Eri jun winaq ri’ aretaq xq’atexik b’enaq chi rij jun kejch’ich’ xuquje’ are xtzukkuxik pa le umochila xriqitaj chi upam 25 chi pisob’al awan kunb’al rech ab’aj Crack ri’.

Pa aninaqil k’ut xchap chi la’ xuquje’ xk’am b’i pa q’atb’altzij rech pa tinamit le’.

Pa taq le b’anoj tzukunem ya’olchajinik katajin pa taq le tinamit pa we amaq’ chi la’ k’ut k’o waqib’ chi k’aqb’alil xriqitaj ri’, xuquje’ xb’antaj kowinem xeriqik oxib’ chi kejch’ich’ ri kab’ixik xa’ eleq’am b’i, maltyox b’a’ che ri kichak ri 27 Comisarías xuquje’ kumal ri unidades especializadas rech ri wokajil ajchajil tinamit.

Alerta de Corrupción

Ultimas noticias