Sib’alaj katajin kaq’atexik nik’aj e kamisanelab’ xuquje’ e ajtoq’il pwaq rech kechap ri e ajtaqol kech ri barrio 18 ri’

Eri taqim utzukuxik ri k’aqb’alil, ri awan kunb’alil xuquje’ winaqil che ri kakitoq’ij pwaq ri’ xuquje’ kekamisan ri’, rumal ri’ eri reqa’lenelab’ ri División Especializada rech Investigación Criminal DEIC ri’ rech ri Wokajil Ajchajil Tinamit xuquje’ ri Q’atol tzij rech ri Ministerio Público, xkichap ri’ a Edgar Yovani Gómez Teo, de 27 años, q’ab’em ub’i’ “El Pelón” ri’, pa le Manzana N, Sector A 2, Lote 2, Tierra Nueva I, kab’ixik eri are ri’ jun chi rajtaqanel ri jun molaj b’anol k’ax rech ri mara 18 ri’.

Xuquje’ pa le primera Avenida B 29-42 Colonia Carolingia zona 6 rech Mixco ri’, xchapataj wi jun ixoq ub’i’ detenida Dora Enriqueta Sipac Alvarez, kab’ixik eri umak are b’anoj k’ax kamisanik ri’.

K’o jun achi’ xchapatajik are ub’i’ Cristofer Alexander Hernández Secaida, 20, pa le 44 avenida 12-31 zona 5, rumal ri Choman B’anoj k’ax Kamisanik ri’, chi la’ pa le wokja ri’ xchapataj wi loq a Francis Daniel De León 25 ujunab’, kab’ixik k’o b’anoj k’ax xub’an ri’, rumal ri’ xchapataj loq.

Pa le Lote 05, sección J, colonia San Jorge, rech Amatitlan, xchapataj wi loq a Antony Gabriel Ruiz Hernández 18 ujunab’, kab’ixik k’o nim k’ax xub’an ri’.

Pa le Florida zona 19, eri e ajchajil tinamit k’o Marihuana xkirik ri’.

Pa le sector 3 lote 81 anexo Villa lobos 2, xchapata wi loq a Hilde Josué Zepeda Sarceño 23 ujunab’ kab’ixik eri umak xub’ano are toq’inik pwaq xuquje’ k’o jun ch’a’wib’al xriqitaj ruk’.

Pa le Colonia lo de Bran 1, xchapataj wi jun ixoq ub’i’ Elva Gabriela Pixtun Boteo 19 ujunab’ xuquje’ ri al Damaris Raquel Pixtun Boteo 26 ujunab’, eri xub’ano are b’anoj k’ax ri’.

Eri Dari Moisés Toj Pantoja, xchapataj pa le 1 calle lote 16 sector Noete 1, pa colonia el Carmen zona 10 rech Santa Catarina Pinula ri’ kab’ixik k’o b’anoj taq xub’an ri’.

Pa le 3ra Avenida B xuquje’ chi uwach ri ja k’olib’al 6-65 pa colonia Montserrat 2, zona 4 rech  mixco, xchapataj wi loq a Roy William González Flores, 34 ujunab’ ri’ kab’ixik eri umak xub’ano are kamisanik xuquje’ nik’aj chik b’anoj k’ax ri’.

Pa ronojel ri’ k’o 78 chi b’anoj tzukunem xb’antaj pa taq le rulewal tinamit rech Iximulew xuquje’ Escuintla ri’, rech xtaqix xtzukux ri k’aqb’alil ri xriqitaj ri’, ruk’ awan kunb’alil, ch’a’wib’alil, ch’ich’ keb’inisaxik, pwaq b’otol ri’, xuquje’ nik’aj chik winaq che ri taqom kichapik ri’.

Eri b’anoj tzukuno’jchak chi kij ri’ kumal e ajchajil tinamit are la’ xuq’alajisaj che ri nik’aj winaq ri’ sib’alaj e ajtoq’il pwaq ri’ xuquje’ e ajb’anol taq kamisan winaq ri’, eri e are ri’ e uwinaqil ri mara 18, ri sib’alaj kib’anom kixib’ixik kakikamisaj rech xkitoq’ij ri pwaq chi ke winaq ri’.

Pa taq le puqchajinem ri’ e k’o e 100 chi tzukunelab’ keriqitaj ri’, kuk’ 600 chi e PNC xuquje’ 78 chi ch’ich’ rech puqchajinem ri’.
are wa’ k’o na kaya’ utzijol ri’.

Ultimas noticias

Alerta de Corrupción