Eri ilonem tob’anik chi ke ri winaqil e ajq’axel pa we Amaq’ ri’ are la’ uwachtzijonem xchomaxik kumal ri q’atb’al tzij rech ri Wokom Taqanelab’ rech ri Amaq’il ri’ pa jun nim riqb’al ib’ pa taqawokajilal ri’ pa martes 9 rech agosto pa taq le rachoch ri Instituto Guatemalteco de Migración (IGM) ri’. Pa le riqonem xk’oji ri primer viceministro rech Gobernación, Carlos Franco Urzúa; ri k’amal b’e rech IGM, Stuard Rodríguez; ri k’amal b’e rech Inteligencia rech ri Ministerio rech ri Defensa Nacional (Mindef), xuquje’ ri k’amal b’e rech Asuntos Migratorios rech ri Ministerio rech Relaciones Exteriores (Minex), Fabiola Mazariegos.
Eri jun chi ke ri uwachtzijonem choman tzij xb’an kumal ri q’atb’al tzij are la’ ri xkoj pa upatanexik rumal ri Wokom Taqanelab’ rech Honduras ri’, ri are la’ kuya’o jun nim kuyub’al mak chi ke ri winaqib’ che ri maj pa usaqil keriqitaj pa jun amaq’ nimatinamit.
Rumal wari’, eri Wokom Taqanelab’ rech Iximulew sib’alaj xkik’ub’isaj ub’ixik rech kakinimaj uwa’lijsaxik pa saqilal jun utz kiq’axenik winaq pa qatinamit ri’, pa kub’sib’al k’u’x pa jikomal ri’. Jachin winaq b’a’ kakaj keq’ax b’i pa we qatinamit rajwaxik b’a’ kakinimaj uwach ri kutoq’ij ri’ pa le Código rech Migración xuquje’ pa retal ub’anob’alil. Wexa’ k’ut e k’o maj pa usaqil keq’ax b’i pa Iximulew ri’, rajwaxik b’a’ sib’alaj keto’ik kena’ojaxik chi rij taq pa saqilal kiq’axenik b’i chi’.
Eri chak rech puqchajinem tzukunik ri’ kumal ri Wokajil Ajchajil Tinamit (PNC) xuquje’ rumal ri Wokajil Ajchajil Amaq’ Iximulew pa taq ri k’ulb’a’ juyub’ tinamit ri’, pa taq awam b’e xuquje’ pa taq nimab’e pa we Amaq’, are la’ ub’anom jun saqilaj ya’olchajinem tzukunik chi ke ri wokaj winaq e ajq’axel ri’ xuquje’ rech maj jun b’a’ kub’an tane’ k’ax chi ke ri’ are chi’ keq’ax b’i chi’.