Xechapataj jun molaj b’anol k’ax kib’i’ “Los H”

Eri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit xuquje’ rech ri Subdirección General rech Investigación Criminal, (PNC) pa komonchak kuk’ ri q’atol tzij rech ri Ministerio Público (MP), k’o k’i b’anoj tzukunem ya’olchajinik xkib’an ri’ rech xkichap loq e kajib’ chi winaqil kab’ixik e uwinaqil ri jun molaj b’anol k’ax kib’i’ “Los H” (Aschenbrenner) ri’.

Eri b’anoj tzukunem ri’ are xb’an chuxo’ltaq ri 6 xuquje’ 7ma calle 07 CL Sector fuentes zona 5 Tecun Umán, rech Ayutla, San Marcos, chi’ k’u ri’ xriqitaj wi jun k’aqb’alil calibre 38 Special, 29 ub’aq’ k’aqb’alil 9 ml, Q 10,470.00 ruk’ jo’ob’ chi ch’a’wib’alil ri’.

Xuquje’ pa le sector puente lote 88 zona 5 Tecun Uman rech ri Tinamit Ayutla, San Marcos, chi’ k’u ri’ xeriqitaj wi: jo’ob’ chi ch’a’wib’al, b’elejeb’ ub’aq’ k’aqb’alil, ruk’ k’i wujilal ri’, ruk’ keb’ tarjetas rech crédtio, jun esab’al achib’al xuquje’ pwaq b’otolik ri’.

Are kuwach ri xechapataj loq: a Jorge Luis De León Maldonado 29 ujunab’ alias “Pantera”, a Santiago Iginio Aschenbrenner Bravo 38 ujunab’.

Xuquje’ xchap loq a Jayro Rene Lucero Castañon 35 ujunab’ alias, “El Sapo”, a Marco Antonio Aschenbrenner López 22 ujunab’, alias “Perlirojo”, kab’ixik k’o kamisanik ub’anom, k’o kamisanik xraj xub’ano xuquje’ k’o choman b’anoj k’ax kumal ri’, eri e keb’ winaq ri’ xechapataj loq pa Estados Unidos rech Norte América.
Xuquje’ xchap loq a Miguel Ángel Rodas Gómez 25 ujunab’, kab’ixik xuwaj rib’ chi kuwach q’atb’altzij. Jeri’ xchap loq a Abel Alberto Ochoa Morales 31 ujunab’, alias “El Furcio”, pa Xe’laju’, rumal k’o kamisanik ub’anom, rumal xraj xub’an kamisanik xuquje’ rumal choman b’anoj taq k’ax ri’.

Alerta de Corrupción

Ultimas noticias