E k’o keb’ uwinaqil ri mara 18 xechapataj ri’ kumal reqa’lenel ri Subdirección General rech Q’ateb’al Awan Kunb’alil ri’ ub’i’ (SGAIA) rech ri Wokajil Ajchajil Tinamit (PNC), pa le Calle Real xuquje’ 4ª avenida, San José, zona 2 de Villa Nueva ri’.
Eri nik’aj b’anol k’ax xechapatajik e are ri’: a Edwin Armando Ramírez, alias “Chango” xuquje’ a David Adolfo Baches Boch, kab’ixik e are xkib’an jun kaq’anik chi ke keb’ winaq ri jo’lajuj ujunab’ ri jun eri jun chik b’elejlajuj ujunab’ ri’.
Eri nik’aj xechapataj ri’ aretaq xkilo xe’opan e ajchajil tinamit chi kij xkanij kib’ xeb’e chi rij jun kejach’ich’, emu wari’ pa aninaqil k’ut xeq’atexik xechapataj ri’, xcha’ ri wokajil ajchajil tinamit ri’.
Pa le b’anoj katzukuxik nik’aj b’anol k’ax ri’ xb’antaj kowonem xriqitaj jun kejach’ihc’ marca Italika, ruk’ ri placas rech ya’tal kab’inisaxik M-615GLX, keb’ b’ilob’al ub’aq’ k’aqb’al, b’elejeb’ k’aqb’al xuquje’ jun k’aqb’al ri’, ri are cha’ kab’ixik xkikoj pa le b’anoj k’ax k’aqanik ri’. —