Eri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC) xuquje’ kumal ri q’atol tzij rech ri Ministerio Público (MP), xkiya ub’ixik che xechapataj keb’ uwinaqil ri Barrio 18, are chi’ xb’an jun tzukunek pa le colonia Lo de Bran, zona 6 rech Mixco ri’.
Eri nik’aj xechapataj ri’ e are ri’ a Valerio Elías Casuy Pirir, 18 ujunab’, xuquje’ a Gerardo David García Casuy, 22 ujunab’, kab’ixik e are xtaq kchapik rumal ri Q’atb’al tzij rech Iximulew rumal ri b’anoj kamisanik ri’.
Eri wokajil ri’ xkib’ij eri puqtzukunem ri’ are ri’ xb’antajik uterenb’exik uq’atexik ri jun b’anoj k’aqanik chi la’ k’ut, pa le 9 rech julio kanoq. Rumal ri’ eri keb’ winaqil ri’ xek’am b’i pa q’atb’al tzij ri’.