Paq’ij jueves 24 rech noviembre, eri reqa’lenelab’ ri División Especializada rech Investigación Criminal (DEIC) rech ri Wokajil Ajchajil Tinamit (PNC) xuquje’ kumal ri q’atol tzij rech ri Ministerio Público (MP), xkiya utzijol che xb’antaj kowonem xechapataj e keb’ chi ajtoq’inel pwaq are la’ xechap loq pa taq ri tzukunem solinik xb’antaj ri’ pa taq ri zonas 10 xuquje’ 16 rech pa uk’u’x nimatinamit.
Eri xechapataj loq e are k’ut jun achi ub’i’ a Edgar Fidel Alvisurez Acajabón, 52 ujunab’ xuquje’ jun ixoq ub’i’ al Karla Guadalupe Acajabón Álvarez, 29 ujunab’, uwinaqil ri jun molaj b’anol k’ax kib’i’ clica Leeward Locos rech ri mara Salvatrucha ri’.
Eri nik’aj winaq kab’ixik ri’ e are xtaq kichapik loq rumal ri Q’atb’al tzij rech pa uk’u’x rulewal tinamit Iximulew ri’, rumal ri b’anoj toq’inik pwaq xkib’an ri’.
Eri tzukunelab’ kech, xkib’ij eri nik’aj winaq ri’ kib’i’ taq Alvisurez Acajabón xuquje’ Acajabón Álvarez ri’ eri kimak rumal xkaj xkikamisaj jun ajk’ayinel are chi’ xtoq’ij pwaq ri chi rech. Eri pwaq ri’ are xaq chi wuq taq q’ij xkitoq’ij kajach chi ke ri nik’aj b’anol k’ax ri’.
Eri q’atb’al tzij sib’alaj xkiya ub’ixik chi kech ri winaq rech chakib’ij b’a’ pa l e110 kuk’ e ajchajil tinamit xuquje’ pa le 1574 rech antiextorsiones ri’. Eri ya’ik ub’ixik k’o nim upatanib’al chi ke ri ajchajil tinamit rech kakimaj utzukuxik kuwach ri’, rech kakib’an puqchajinem tzukunik xuquje’ rech kakitaqij kichapik nik’aj molaj b’anol k’ax.