Pa taq le q’ij rech xriqitajik xuquje’ xporox ri ichaj tiko’n rech amapola ri’ chi la’ pa San Marcos kumal are la’ xtaq ub’anik rumal ri Ministro rech Gobernación, David Napoleón Barrientos, pa reqele’nik ri Quinto Viceministerio ri’ xkik’aj ub’anik wari’ paq’ij 24 rech noviembre ri’.
Eri tzukunem ri’ are la’ xb’antaj kowonem kumal reqa’lenelab’ ri Subdirección General rech Análisis rech Información Antinarcótica (SGAIA), rech ri Wokajil Ajchajil Tinamit (PNC), kuk’ kachb’ilanik ri Wokajil Ajchajil Amaq’ Iximulew xuquje’ kumal ri rajchakunel ri Ministerio Público (MP), eri komonchak ri’ are la’ xub’an nim upatan rech xporox uwch 271 mil 851 raqan ichaj tiko’n rech amapola ri’ eri pwaq rajil are Q6 millones 796 mil 275 ri’.
Eri awan ichaj kunb’al tiko’nib’al ri’ are la’ xriqitaj pa le rulewal k’ache’laj rech ri caseríos Vista Hermosa, ri Pajatz xuquje’ pa taq ri aldea Calapté xuquje’ pa Buenos Aires k’o pa Ixchiguán ri’.
Ronojel ri xriqitaj uwach
Eri q’atb’al tzij antinarcóticas xkiya ub’ixik che pa kajib’ uwach q’ijol xkib’an ri tzukunem solinik xuquje’ poronik ri awan tiko’n ri’, pa Tajumulco xuquje’ pa Ixchiguán ri’, eri pwaq rajil pa ronojel are 788 mil 512 raqan ichaj tiko’n rech amapola qupim, are la’ junam kub’an ruk’ ri pwaq rajil are Q19 millones 712 mil 800 ri’.