K’o jun puq rech 40 chi reqa’lenelab’ ri Subdirección General rech Prevención rech Delito rech ri Wokajil Ajchajil Tinamit (PNC), kuk’ reqa’lenel ri Policía Municipal xuquje’ kuk’ ri rech ri Policía Municipal rech Tránsito (PMT), rech uk’u’x nimatinamit rech Iximulew ri’, xetijox k’ut kumal e rajno’jinel ri Estados Unidos rech América xuquje’ kumal rech nbikj’aj chik nimatinamit najil, are uwach k’ut ri programa rech Tijonem xuquje’ rech b’anoj Eta’manik rech Ke’ok kuk’ ri Pandillas (GREAT), ub’i’ pa inglés).
Eri q’atb’al Tzij xkib’ij che we jun b’anob’al cholchak ri’ pa taq ri tinamit rech ri Triángulo Norte rech Centroamérica, rech are taqim uya’ik ri eta’mab’alil, ri b’anob’alil xuquje’ rech kowonib’al utz chak kumal ri e ajchajil tinamit, rech kiq’alik ri ak’alab’ kkuk’ ri ab’om alitom rech ke’ok taq kuk’ ri puq b’anol k’ax ri’. Jeri’ rech ri q’atenik ri k’ax kuk’ ri e ajb’anol taq ri k’ax pa taq kik’olib’al winaqilal.
Rumal wa’, eri e ajchajil tinamit xkiya utzijoxik chi ke ri e ajtijoxel rech nab’e, ukab’ ruk’ urox q’atanem tijonik, rech xkipixb’ej rech man ke’ok taq ri ak’alab’, ab’om, alitom pa taq ri pandilla ri’, rumal k’ut k’o nimak’ax kuya chi ke ri awan kunab’al xuquje’ rech kesik’ix b’a’ rech ke’ok ri ak’alab’, kuk’ ri ab’om alitom pa taq ri cholchak rech k’o utz b’anoj kakib’an ri’ rech kesaq’arib’ taj.
Pa le b’anoj tijonem chi ke are rech keto’ik rech kanimax ub’anik uwach ri ri Ub’e’al Runimal Choltijonem rech Transformación Policial ri’, xtaq ub’anik rumal ri K’amal b’e Amaq’ rech Iximulew pa le uchakunik ri Ministerio rech Gobernación ri’ (Mingob). Eri tijonem xmajtaj iwir are la’ kak’isik pa oxib’ q’ij rech marzo. Ruk’ taq utob’anik ri Oficina rech Asuntos Antinarcóticos xuquje’ Kojob’al rech ri Taqanem Tzij (INL, ub’i’ pa inglés Tzij) rech ri Embajada rech EEUU.