Eri reqa’lenelab’ ri Delegación Especial rech Investigación rech Villa Nueva, rech ri Wokajil Ajchajil Tinamit (PNC) paq’ij kamik xkichap loq jun achi ub’i’ a Abigail Antonio Ordóñez Aldana, 25 ujunab’, kab’ixik reqam jun k’aqb’al ri’ are la’ kab’ixik uchomam chik kukoj pa jun b’anoj k’aqanik chi ke jun winaq ri xraj kukamisaj tane ri’.
Are la’ xb’antajik rech xterenb’ex nik’aj uwinaqil ri Barrio 18 ri’ rumal k’ut kachomam chik chi k’o jun k’aqb’al kakikoj pa jun kamisanik ri’ are chi’ e b’enaq chi rij jun kejach’ich’ ruk’ ri placas M772JKT rech Villa Canales hacia Villa Nueva, chi la’ k’ut xkaj xkib’an wiri’ jun k’aqanem kamisanik.
Eri q’atb’al tzij rech ajchajil tinamit xkib’ij che rumal k’o jun sak’ajil tzukunem xb’an chi kij kumal ri ajchajil tinamit rumal ri’ xb’antaj kowonem xeriqitajik are chi’ e b’enaq chi rij jun kejach’ich’ pa le 4a. avenida 7-27 zona 1 rech Villa Canales, Iximulew ri’.
Eri a Ordóñez Aldana ruk’ xriqitaj wi jun k’aqb’al 9 milímetros, ruk’ kajlajuj ub’aq’ ri k’aqb’al ri’ ri utz kakojik.
Eri winaq b’anol k’ax ri’ xchapatajik xk’am b’i pa nimaq’atb’al tzij ub’i’ Torre rech Tribunales, zona rech pa uk’u’x nimatinamit.