Xtulisax kqajib’al xik’ach’ich’ ri man k’ot ksaqil kewa’kat ri’

Eri Wokajil Ajchajil Tinamit (PNC) xkib’ij chi k’o keb’ awam kqajib’al xik’ach’ich’ kojom kumal ri narcotráfico ri kakik’am loq awan kunb’alil, xtulisaxik kumal e ajchajil tinamit pa le 20 xuquje’ 21 rech septiembre ri’ pa taq le caseríos Arrollo xuquje’ Chocop Nuevo Amanecer, San Andrés, Petén ri’.

Eri tzukunem are xb’antaj kumal reqa’lenelab’ ri antinarcótico pa komon b’anoj kuk’ ri Subdirección General rech Análisis rech Información Antinarcótica (SGAIA) ri’, kumal ri  División rech Fuerzas Especiales rech Chajin Tinamit (Difep) ri’, kuk’ ri núcleo rech reserva rech ri comisaría 62 ri’, kuk’ ri Wokajil Ajchajil Amaq’ Iximulew, kuk’ ri Ministerio Público (MP) ri’ xuquje’ ruk’ ri Consejo Nacional rech Áreas Protegidas (Conap) ri’.

Eri uwach ri xtulisax ri’ k’o 1300 chi etok’al raqan ruk’ 30 chi etok’al uwach ri’, eri wokaj ajchajil tinamit ri’ chi la’ xkib’an wi k’i taq nimpoq’sanik rech xkitulisaj kqajib’al xik’ach’ich’ ri’, rech xq’atexik kiqajik tane’ chik chi’.

Juntir awan kqajib’al xik’ach’ich’ tulisam ri’

Pa ronojel ri’, k’o jo’lajuj chi awam kqajib’al xik’ach’ich’ ri’ tulisam chik uwach ri’ pa junab’ ri’ kumal e ajchajil tinamit e taqom b’i rumal ri taqawokajnem ya’olchajinem pa Amaq’ pa le upatanem ri Quinto Viceministerio rech Antinarcóticos, pa le kaq’atexik ri narcotráfico pa Iximulew ri’.

Eri tzijol xya’taj kumal ri q’atb’al tzij are wa’ kub’ij, eri qas e tulisam wi kqajib’al xik’ach’ich’ ri’ are chi la’ pa Sayaxché, Poptún, San Luis xuquje’ pa San Andrés, Petén ri’; pa La Democracia, Escuintla ri’; pa Caballo Blanco xuquje’ pa Champerico, Retalhuleu ri’ xuquje’ pa San José La Máquina, Suchitepéquez ri’.

Ultimas noticias

Alerta de Corrupción